मीच काम सोडलं

मागच्या ब्लॉग मध्ये माझा प्रवास बेळगावच्या प्रसिद्ध प्रकाश लॉज च्या मॅनेजर पर्यंत झाला होता. मी लॉज मॅनेजर म्हणून कसं काम केलं आणि पुढे तरुण भारत पर्यंत कसा पोहोचलो हा सारा प्रवास पुढील ब्लॉग पासून सांगणार आहेच. मध्ये बराच वेळ गेला आणि ब्लॉग लिहायचं राहून गेलं. आणि मधला सर्व इतिहास पेंडिंग ठेऊन वर्तमानकालीन घडामोड सांगण्याची वेळ आली. माझ्या कारकिर्दीत सध्या आलेला एक टर्निंग पॉईंट आधी सांगून मग मागील प्रवासकडे वळण्याचा निर्णय मी घेतला आहे. आपण वेळ काढून वाचाल हीच अपेक्षा आहे.

नमस्कार,

मी प्रसाद सु. प्रभू. 2004 पासून तरुण भारत या दैनिकात कार्यरत होतो. विद्यार्थी वार्ताहर, वार्ताहर ते विविध भूमिका निभावत निभावत सध्या सोशल मीडिया टीम प्रमुख आणि यु ट्यूब चॅनेल चा डिजिटल एडिटर.

होय होतो, आता नाही. मी माझ्या पदाचा आणि सेवेचा राजीनामा दिला आणि त्याला आज एक महिना पूर्ण झाला. नोटीस पिरियड संपला आणि आता मी मुक्तपणे पत्रकारिता तसेच इतर अनेक भूमिकांमधून तुमच्या सगळ्यांच्याच भेटीला येत राहणार आहे.

राजीनामा दिला तर का दिला? खरंच सोडलं की काढलं? असे अनेक प्रश्न विचारणारे फोन आले म्हणून सांगतोय, माझी संस्था मी स्वतःच सोडली.

सलग 17 वर्षे एकाच ठिकाणी काम, त्यातून एक साचलंपण आलं होतं. जास्त तुंबून राहिलं की शुद्ध पाणीही पुढे दुर्गंधीकडे वळतं आणि त्याला लोक डबकं म्हणतात. असं काही होऊ नये म्हणून बाहेर पडलोय आणि स्वतः बरोबरच इतरांनाही सक्षम करण्याचं एक ध्येय निवडलं आहे. तरुण भारत ही माझी मातृसंस्था. माझी ओळख याच संस्थेमुळे निर्माण झाली. यामुळे तरुण भारत, मालकवर्ग,तेथील सर्व सहकारी यांच्याप्रति नेहमीच कृतज्ञ राहणार आहे.

जे काही करेन त्यात नक्कीच यश मिळेल कारण तुम्हा सर्वांच्या शुभेच्छा, सदिच्छा आणि आशीर्वाद पाठीशी आहेतच.

हिंदवी स्वराज्याचे संस्थापक छत्रपती शिवाजी महाराज यांना वंदन करून काहीतरी नवीन करण्याचा प्रयत्न उद्यापासून करतोय. आपली साथ हवी आहे.

माझा नवा फोन क्रमांक: 8073324496 कृपया नोंद करून ठेवावा.

जय शिवराय.

आता रोज एक ब्लॉग या पद्धतीने माझं तरुण भारत मधील वास्तव्य,तेथील गमती जमती आणि बरंच काही मी तुमच्या सोबत share करीत राहणार आहे. कृपया आवडलं तर प्रतिक्रिया द्या, कॉमेंट करा आणि इतरांनाही पाठवा. नाही आवडलं तर न वाचण्याचं स्वातंत्र्य तुमच्याकडे आहेच.

धन्यवाद.